أخبارتكنولوجيا

الStartup Act حكاية أم سيسي ..



الStartup Act حكاية أم سيسي
لحد اليوم ، كل شي مازال حبر على ورق .. و حتى لو كان الحكاية ماتهمش الناس الكل ، و تهم كان الشباب إلي عندو شوية فلوس و يستنى باش يعمل شركة صغيرة بفكرة مؤمن بيها.. باقي كل شي مازال حديث و اكاهو ..
البنك المركزي هبّط مناشير على بعض الحاجات إلي تخصّ حكاية الStartup Act لكن إلي بيه الفايدة مازال ماصارش..
سي يوسف الشاهد ممثل رئاسة الحكومة مازال ماصادقش على المرسوم ..
و أهم حاجة في الحكاية الكل هي شكوني الهيئة إلي باش تعطيك إسم شركة ناشئة و تولي شركة متاعك تستمى Startup باش تنجم تستمتع بالدعم و الكارط تكنولوجيك ب 100 مليون quota…
الهيئة هذي إلي هي équipe normalement يكون من صلب الوزاة متاع تكنولوجيات الإتصال و رئاسة الحكومة. العباد هاذوما للتوّة لعرافناهم و لا عرفنا شكون باش يحطّهم و يختارهم.
لا ، و إلي اقوى من هكّا ، هو إنوا فمّا كمشة حاشاكم متاع سرّاق و إنتهازيين حاسبين رواحهم هوما الcatégorie المتمكّنة في تونس و قالك هوما إلي ساهموا في إنجاز الStartup Act. العباد هاذم اليوم يحبوا يكونوا هوما في اللجنة متاع تسمية الشركات الناشئة.
بالطبيعة مش باش نقلكم إلي العباد هاذي كلهم جوهم باهي و يخدموا و فلوس جاية من برّا و كذا … قيّد على هانا ندعموا في الشركات الناشئة و ال ONG écosysteme متاع تونس..
المهم ، الوزير فايق بيهم الهوايش هاذي اما كل مرّة يتم الضغط عليه و حاسس في اللخر باش يركحلهم.
بالطبيعة عاد ، مادام فيها صندوق دعم و فلوس ، لازم يكبْشوا في الوزير هوما.
و عندي زادا معلومة تقول إلي توّة مكبشين في الوزارة باش تعطيهم هوما يخدموا الPlateform متاع الstartupact.tn
الموقع إلي باش يدخلولوا الشباب و اصحاب الافكار و يعملوا فيه الdemande متاع الlabellisation او التسمية.. بالطبيعة باش يكتبوا افكارهم و مشاريعهم الكل في الsite هذا، وانتم إفهموا عاد الباقي..
الوزير قال إلي الStartup Act باش يكمل فيه كل شي في الثلاثية الأولى متاع 2019. معناها قبل ما ترجع Game of Thrones في افريل … هانا نستنّاو

الوسوم

مقالات ذات صلة

إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock